Pehle Ulama Haque Bayani Ko Tarjeeh Dete The, Ab Haque Bayani Par Logon Ko Tarjeeh Di Jaati Hai
Ye Jo Nayi Pod (Nasal) Aa Rahi Hai (Illa Masha Allah), Is Ne To Mazhabo Maslak Ye Bana Liya Hai Ke :
Kisi Ki Dil Aazari Nahin Karni
Yaad Rakhiye! Jo Aalim "Sirf" Ye Soch Kar Likhta Aur Bolta Hai Ke :
"Maine Kisi Ki Dil Aazari Nahin Karni"
Wo Haque Bayani Se Mehroom Ho Jaata Hai, Aur Munafiqat Wa Mudahanat Us Ke Rag -o- Pay Mein Sarayat Kar Jaati Hai
Deen Daar Aalim Wahi Hai Jo Deene Haque Ko Bayaan Karne Ke Liye Haque Goyi Se Kaam Le, Phir Chahe Logon Ki Dil Aazari Ho Ya Dil Jooyi
Faqeehe Aazam Maulana Muhammad Shareef Kotalwi Rahimahullah Ek Jagah Taqreer Karne Gaye To Unhein Kaha Gaya :
Hazrat! Kisi Ke Khilaf Taqreer Nahin Karni, Taaki Kisi Ki Dil Aazari Na Ho
Aap Ne Farmaya : Kis Mauzu Par Karni Hai?
Kaha Gaya : Namaz, Roze Aur Islahe Muashra Par
Aap Ne Farmaya : Namaz Par Taqreer Karte Huye Jab Be Namazi Ki Sazayein Bayaan Karunga Aur Kahunga Jo Namaz Nahin Padhta Mujrim Aur Mustahiq -e- Azaab Hai, To Taqreer Ikhtelafi Ho Jayegi, Jis Se Be Namaziyo Ki Dil Aazari Ho Jayegi
Isi Tarah Islahe Muashra Karte Huye Jab Jhooto, Rishwat Khoro, Khaayino, Bad Dayanato Ki Mazammat Karunga To Un Ki Dil Aazari Ho Jayegi, Ab Batayein Main Kya Karoon!!
Allama Qaari Luqman Shahid Hafizahullah
Post a Comment
Leave Your Precious Comment Here