Shayad Hi Koi Aisa Shakhs Hoga Jo Apne Smartphone Se Social Media Ka Istemal Karta Ho Aur "Tik Tok" Se Be Khabar Ho,
Agar Aap Nahin Jaante To Hum Bata Dein Ke Ye Ek Software Hai Jis Mein Aap Chhoti Videos (Short Clips) Bana Sakte Hain Aur Aam (Share) Kar Sakte Hain
Is Mein Mukhtalif Dhang Se Videos Banayi Jaati Hain Maslan Koi Naach Raha Hai, Koi Gaa Raha Hai, Koi Uchhal Kood Kar Raha Hai To Koi Kartab Dikha Raha Hai
Is Application Ne Har Shakhs Ko Ye Mauqa Diya Hai Ke Bina Filmo Mein Kaam Kiye Aap Apne Kartab, Apne Hunar Aur Apni Kala (Art) Ko Dunya Ke Saamne Pesh Kar Sakte Hain
Chhote Ho Ya Bade, Ladke Ho Ya Ladkiya Sab Madari Bane Huye Hain,
Is Mein Be Hayai, Be Adabi Aur Be Sharmi Ki Hadein Paar Ki Ja Rahi Hain, Ye Sirf Ek Application Nahin Balki Aisa Aala (Tool) Hai Jo Logon Ke Andar Sharm -o- Haya Naam Ki Cheez Ko Khatm Kar Raha Hai
Ho Gayi Mehfil Teri Kya Be Adab Be Qayeda
Jo Khade Rehte The Wo Ab Hain Barabar Baithe
Is Tik Tok Ne Sirf Do Se Teen Saalo Mein Paanch Karod (Above 5 Crore) Se Zyada Logon Ko Apne Jaal Mein Phansa Liya Hai!
Un Karodo Logon Mein Na Jaane Kitne Muslim Naujawan Aur Ladkiya Shamil Hain Jo Din Raat Apni Numaish Ke Nashe Mein Choor Hain
Wo Naujawan Jinhein Apne Deen Ke Liye Khoon Pasina Ek Karna Chahiye Tha Wo Apna Dher Saara Waqt Is Behuda Cheez Mein Barbad Kar Rahe Hain, Wo Ladkiya Jinhein Apni Aakhirat Ki Fikr Mein Doobe Rehna Chahiye Tha Wo Dunya Ko Apne Pichhe Khada Karne Ki Dhun Mein Hain
Aap Ke Paas Aql Hai, Sochne Samajhne Ki Salahiyat Hai Aur Waqt Bhi Hai Lihaza Ghaur Karein Aur Pehchanein Ke Aap Ka Fayeda Kahan Hai
Is Application Ki Nuhoosat Se Bachein Aur Apna Waqt Achhe Kaamo Mein Lagayein Kyunki Ye Waqt Dubara Nahin Milne Waala
Hazrate Saif Yamani Alaihi Rahma Farmate Hain Ke Allah Ta'ala Ka Kisi Bande Se Apni Nazre Rahmat Ko Hata Lena Ye Hai Ke Banda Be Kaar Baato Mein Mashgool Ho Jaaye Aur Jo Apne Maqsad -e- Hayaat Ko Faramosh Kar Ke Apni Umar Ka Ek Lamha Bhi Guzare To Use Zaroor Hasrato Aur Nadamato Ka Saamna Karna Padega
(وقت ہزار نعمت، ص114)
Abde Mustafa
Post a Comment
Leave Your Precious Comment Here