آپ کا ذکر ہے خاص ذکر خدا

آپ کا ذکر ہے خاص ذکر خدا

نبی اکرم، نور مجسم، سرکار مدینہ ﷺ کا ذکر کرنا، خدا کا ذکر کرنا ہے- اللہ تعالی نے آپ ﷺ کے ذکر کو بلند کیا ہے اور اپنا ذکر قرار دیا ہے- 

حدیث قدسی ہے، اللہ تعالی فرماتا ہے:

میں نے ایمان کا مکمل ہونا اس بات پر موقوف کر دیا ہے کہ (اے محبوب) میرے ذکر کے ساتھ تمھارا ذکر بھی ہو اور میں نے تمھارے ذکر کو اپنا ذکر ٹھہرا دیا ہے پس جس نے تمھارا ذکر کیا اس نے میرا ذکر کیا-

(الشفاء للقاضی عیاض المالکی)

قرآن کریم میں اللہ تعالی کے ذکر کے ساتھ ذکر رسول ﷺ کے جلوے کئی جگہ نظر آتے ہیں؛ چناں چہ ارشاد باری ہے:

(1) تو اعلان جنگ سن لو اللہ اور اس کے رسول کی طرف سے (البقرۃ:279)

(2) اور جو حکم مانے اللہ اور اس کے رسول کا (النساء:13)

(3) اور جو اللہ اور اس کے رسول کی نافرمانی کرے (النساء:14)

(4) حکم مانو اللہ کا اور حکم مانو رسول کا (النساء:59)

(5) تو اسے اللہ اور اس کے رسول کے حضور رجوع کرو (النساء:59)

(6) اللہ کی اتاری ہوئی کتاب اور رسول کی طرف آؤ (النساء:61)

(7) اور جو اللہ اور اس کے رسول کا حکم مانے (النساء:70)

(8) جس نے رسول کا حکم مانا بے شک اس نے اللہ کا حکم مانا (النساء:80)

(9) اور جو اپنے گھر سے نکلا اللہ و رسول کی طرف ہجرت کرتا (النساء:100)

(10) ایمان رکھو اللہ اور اس کے رسول پر (النساء:136)

(11) اور کافر چاہتے ہیں کہ اللہ سے اس کے رسولوں کو جدا کر دیں (النساء:150)

(12) اور جو اللہ اور اس کے رسولوں پر ایمان لائے (النساء:152)

(13) اللہ اور اس کے رسولوں پر ایمان لاؤ (النساء:171)

(14) جو اللہ اور اس کے رسول سے لڑتے ہیں (المائدہ:33)

(15) تمھارے دوست نہیں مگر اللہ اور اس کا رسول اور ایمان والے (المائدہ:55)

(16) اور جو اللہ اور اس کے رسول اور مسلمانوں کو اپنا دوست بنائے (المائدہ:56)

(17) آؤ اس کی طرف جو اللہ نے اتارا اور رسول کی طرف (المائدہ:104)

(18) تو ایمان لاؤ اللہ اور اس کے رسول بے پڑھے غیب بتانے والے پر (الاعراف:158)

(19) اللہ اور اس کے رسول کا حکم مانو (الانفال:1)

(20) یہ اس لیے کہ انھوں نے اللہ اور اس کے رسول سے مخالفت کی (الانفال:13)

(21) اور جو اللہ اور اس کے رسول سے مخالفت کیے (الانفال:13)

(22) اللہ اور اس کے رسول کا حکم مانو (الانفال:20)

(23) اے ایمان والوں! اللہ اور اس کے رسول کے بلانے پر حاضر ہو جاؤ (الانفال:24)

(24) اللہ اور رسول سے دغا نہ کرو (الانفال:27)

(25) تو اس کا پانچواں حصہ خاص اللہ اور اس کے رسول کا ہے..... الآیة (الانفال:41)

(26) بیزاری کا حکم سنانا ہے اللہ اور اس کے رسول کی طرف سے (التوبہ:1)

(27) اللہ اور اس کے رسول کی طرف سے تمام لوگوں کی طرف بڑے حج کے دن اعلان ہے..... الآیة (التوبہ:3)

(28) اللہ بیزار ہے مشرکوں سے اور اس کا رسول (التوبہ:3)

(29) مشرکوں کے لیے اللہ اور اس کے رسول کے پاس کوئی عہد کیوں کر ہوگا (التوبہ:7)

(30) اللہ اور اس کے رسول اور مسلمانوں کے سوا کسی کو اپنا رازدار نہ بنائیں گے (التوبہ:16)

(31) یہ چیزیں اگر تمھیں اللہ اور اس کے رسول سے زیادہ پیاری ہوں (التوبہ:24)

(32) اور حرام نہیں مانتے اس چیز کو حرام کیا اللہ اور اس کے رسول نے (التوبہ:29)

(33) یہ کہ وہ اللہ اور اس کے رسول سے منکر ہوئے (التوبہ:54)

(34) اور کیا ہی اچھا ہوتا اگر وہ اس پر راضی ہوتے جو اللہ اور رسول نے ان کو دیا (التوبہ:59)

(35) اور کہتے ہیں ہمیں اللہ کافی ہے اب دیتا ہے اللہ ہمیں اپنے فضل سے اور اس کا رسول (التوبہ:59)

(36) اور اللہ و رسول کا حق زیادہ تھا کہ اسے راضی کرتے (التوبہ:62)

(37) جو مخالفت کرے اللہ اور اس کے رسول کی (التوبہ:63)

(38) اور اللہ و رسول کا حکم مانیں (التوبہ:71)

(39) اور انھیں کیا برا لگا یہی نہ کہ اللہ و رسول نے انھیں اپنے فضل سے غنی کر دیا (التوبہ:74)

(40) اس لیے کہ وہ اللہ اور اس کے رسول کے منکر ہوئے (التوبہ:80)

(41) بے شک وہ اللہ اور رسول سے منکر ہوئے (التوبہ:84)

(42) وہ جنھوں نے اللہ و رسول سے جھوٹ بولا تھا (التوبہ:90)

(43) جب کہ اللہ اور اس کے رسول کے خیر خواہ رہیں (التوبہ:91)

(44) اور اب اللہ و رسول تمھارے کام دیکھیں گے (التوبہ:94)

(45) اور اب اللہ و رسول تمھارے کام دیکھیں گے (التوبہ:105)

(46) اور (یہ مسجد ضرار) اس کے انتظار میں ہے جو پہلے سے اللہ اور اس کے رسول کا مخالف ہے (التوبہ:107)

(47) ہم ایمان لائے اللہ اور رسول پر (النور:47)

(48) اور جب اللہ اور اس کے رسول کی طرف بلائے جائیں (النور:48)

(49) یا یہ ڈرتے ہیں کہ اللہ و رسول ان پر ظلم کریں گے (النور:50)

(50) جب اللہ اور رسول کی طرف بلائے جائیں کہ رسول ان میں فیصلہ فرمائے (النور:51)

(51) اور جو حکم مانے اللہ اور اس کے رسول کا (النور:52)

(52) تم فرماؤ: حکم مانو اللہ کا اور حکم مانو رسول کا (النور:54)

(53) ایمان والے تو وہی ہیں جو اللہ اور اس کے رسول پر یقین لائے (النور:62)

(54) جو اللہ اور اس کے رسول پر ایمان لاتے ہیں (النور:62)

(55) ہمیں اللہ و رسول نے وعدہ نہ دیا (الاحزاب:12)

(56) بولے یہ ہے وہ جو ہمیں وعدہ دیا تھا اللہ اور اس کے رسول نے (الاحزاب:22)

(57) اور سچ فرمایا اللہ اور اس کے رسول نے (الاحزاب:22)

(58) اگر تم اللہ اور اس کے رسول کو چاہتی ہو (الاحزاب:29)

(59) اور جو تم میں فرماں بردار رہے اللہ اور اس کے رسول کی (الاحزاب:31)

(60) اور اللہ اور اس کے رسول کا حکم مانو (الاحزاب:32)

(61) جب اللہ و رسول کچھ حکم فرما دیں (الاحزاب:36)

(62) اور جو حکم نہ مانے اللہ اور اس کے رسول کا (الاحزاب:36)

(63) جسے اللہ نے نعمت دی اور تم نے اسے نعمت دی (الاحزاب:37)

(64) بے شک جو ایذا دیتے ہیں اللہ اور اس کے رسول کو (الاحزاب:57)

(65) ہاے کسی طرح ہم نے اللہ کا حکم مانا ہوتا اور رسول کا حکم مانا ہوتا (الاحزاب:66)

(66) اور جو اللہ اور اس کے رسول کی فرماں برداری کرے (الاحزاب:71)

(67) اللہ کا حکم مانو اور رسول کا حکم مانو (محمد:33)

(68) تاکہ تم اللہ اور اس کے رسول پر ایمان لاؤ (الفتح:9)

(69) وہ جو تمھاری بیعت کرتے ہیں وہ اللہ ہی سے بیعت کرتے ہیں (الفتح:10)

(70) اور جو ایمان نہ لائے اللہ اور اس کے رسول پر (الفتح:13)

(71) اور جو اللہ اور اس کے رسول کا حکم مانے (الفتح:17)

(72) اللہ اور اس کے رسول سے آگے نہ بڑھو (الحجرات:1)

(73) اور اگر تم اللہ اور اس کے رسول کی فرماں برداری کرو گے (الحجرات:14)

(74) ایمان والے تو وہی ہیں جو اللہ اور اس کے رسول پر ایمان لائے (الحجرات:15)

(75) اور وہ جو اللہ اور اس کے سب رسولوں پر ایمان لائیں (الحدید:19)

(76) یہ اس لیے کہ تم اللہ اور اس کے رسول پر ایمان رکھو (المجادلة:4)

(77) بے شک جو مخالفت کرتے ہیں اللہ اور اس کے رسول کی (المجادلة:5)

(78) اور اللہ اور اس کے رسول کے فرماں بردار رہو (المجادلة:13)

(79) بے شک وہ جو مخالفت کرتے ہیں اللہ اور اس کے رسول کی (المجادلة:20)

(80) اللہ لکھ چکا کہ ضرور میں غالب آؤں گا اور میرے رسول (المجادلة:21)

(81) اور جنھوں نے اللہ اور اس کے رسول کی مخالفت کی (المجادلة:22)

(82) یہ اس لیے کہ وہ اللہ اور اس کے رسول سے جدا رہے (الحشر:40)

(83) (وہ غنیمت) اللہ اور رسول کی ہے..... الآية (الحشر:70)

(84) اور اللہ و رسول کی مدد کرتے ہیں (الحشر:80)

(85) ایمان رکھو اللہ اور اس کے رسول پر (الصف:11)

(86) اور عزت اللہ اور اس کے رسول اور مسلمانوں کے لیے ہی ہے (المنافقون:8)

(87) تو ایمان لاؤ اللہ اور اس کے رسول پر (التغابن:8)

(88) اور اللہ کا حکم مانو اور رسول کا حکم مانو (التغابن:12)

(89) اور جو اللہ اور اس کے رسول کا حکم مانے (الجن:23)

(ملخصاً: کمال و جمال حبیب، ص42 تا 49) 

ذکر خدا جو ان سے جدا چاہو نجدیو

واللہ ذکر حق نہیں کنجی سقر کی ہے

امام اہل سنت فرماتے ہیں کہ اے نجدیوں! اگر تم یہ چاہتے ہو کہ حضور ﷺ کے ذکر کو خدا کے ذکر سے جدا کر دیا جائے تو خدا کی قسم! ایسا ذکر خدا کا ذکر نہ کہلا سکے گا بلکہ (وہ ذکر) جہنم کی چابی ثابت ہوگا اور تمھیں دوزخ میں گرا کر چھوڑے گا-

(انظر: شرح کلام رضا، ص590) 

عبد مصطفی