Deen Mein Daadhi Hai, Daadhi Mein Deen Nahin

 Deen Mein Daadhi Hai, Daadhi Mein Deen Nahin

Kehte Hain Ke Jab Kisi Ka Bhala Na Kar Sako To Bura Bhi Na Karo

Agar Aap Kisi Ko Nekiyon Ki Dawat Nahin De Sakte To Kam Se Kam Aisi Baatein Kar Ke Nekiyon Se Door Bhi Na Karein Ke Deen Mein Daadhi Hai, Daadhi Mein Deen Nahin

Phir Ye Bhi Kaha Jaa Sakta Hai Ki Deen Mein Namaz Hai, Namaz Mein Deen Nahin

Deen Mein Roza Hai, Roze Mein Deen Nahin,

Deen Mein Halal Wa Haraam Hai, Halaal Wa Haraam Mein Deen Nahin....... Phir Deen Mein Bachega Kya?

Ye To Phir Naam Ka Deen Bach Jayega Jis Mein Har Shakhs Yahi Keh Kar Amal Se Jaan Chudhayega Ki Deem Mein Amal Hai, Amal Mein Deen Nahin

Ek To Aise Hi Daadhi Waalon Ki Ziyaarat Bahut Kam Hoti Hai Upar Se Aisi Baatein Karna Daadhi Mundaane Waalon Ka Sath Dene Ke Baraabar Hai

Ye Baatein Jis Ne Bhi Ki Hai Wo Shaayad Logon Ko "Deen Mein" Maujood Cheezon Se Door Kar Ke Logon Ko "Deen Se" Door Karna Chahta Hai Aur Phir Kisi "Naye Deen" Ki Taraf Le Jaana Chahta Hai Jis Mein Sab Jaayez Ho 

Deen Sikhane Waale Aap Ko Is Daur Mein Bahut Milenge,

Jise Khud Nahin Pata Wo Bhi Deen Sikhaane Ki Koshish Kar Raha Hai Lihaaza Hoshiyaar Rahiye Aur Samajh Boojh Lein Ki Aap Deen Kis Se Seekh Rahe Hain, Kahin Aisa To Nahin Ki Woh Deen Ke Naam Par Aap Ko Kuch Aur Sikha Raha Hai

Abde Mustafa