Meri Ladki Ki Shaadi Hai
Main Bahut Ghareeb Hoon Aur Meri Ladki Ki Shaadi Hai, Aap Sab Meri Madad Karein.......,
Salam Pherte Hi Kaano Mein Yeh Aawaz Aayi Aur Yeh Pahli Baar Nahi Tha Balki Hafte Mein Ek Do Baar Yeh Sunne Ko Milta Hi Rahta Hai
Agar Mai Sahih Hoon To Aap Ne Bhi Masjidon Mein Aise Logon Ko Dekha Hoga Jo Apni Ladki Ki Shaadi Ke Liye Bheek Maangte Hain
Ladke Ko Gaadi, Jahez, Naqadi Dene Aur Baratiyon Ko Khana Khilane Ke Liye Ek Ghareeb Shakhs Aakhir Mangne Ke Ilawa Kar Bhi Kya Sakta Hai
Maine Dekha Hai Ki Log Paanch Das Rupay De Kar Samajhte Hain Ki Mas'ala Hal Ho Gaya Lekin Ye Madad Karne Ka Sahih Tareeqa Nahin Hai
Agar Aap Waqayi Madad Karna Chahte Hain To Ye Niyyat Kar Lein Ki Jab Mai Shaadi Karunga To Ek Rupay Bhi Nahin Loonga Taaki Meri Wajah Se Kisi Aur Ke Saath Aisa Na Ho
Agar Aap Use Hazaar Rupay Dete Hain Aur Phir Apni Ya Apne Bacchon Ki Shaadi Mein Ladki Waalon Se In Cheezon Ka Mutaaliba Karte Hain To Ye Madad Nahin Balki Ek Mazaq Hai
Abde Mustafa
Post a Comment
Leave Your Precious Comment Here