Chaliye Jihad Karte Hain

 Chaliye Jihad Karte Hain

Jihad Ke Baare Me Dus Logo Se Baat Kijiye To Bees Qism Ke Nazariye Dekhne Ko Milte Hain

Koi Kuchh Kehta Hai To Koi Kuchh, Jise Jo Pasand Aata Hai Bol Deta Hai

Ek Giroh Ka Kehna Hai Ke Hindustan Me Jihad Ho Hi Nahi Sakta Aur Wo Is Andaz Se Batate Hain Ke Mahsoos Hota Hai Woh Muslamano Se Ye Kahe Rahe Hain Ke Humein To Jihad Karna Hi Nahin Hai Lihaza Ghaflat Ki Neend Ka Maza Lijiye Aur Jahan Tak Ho Sake Aman Aman Ka Wird Karte Rahiye

Is Ke Bar Aqs Ek Giroh Itna Jazbaati Hai Ke Woh Baat Baat Par Jihad  Karne Ko Tayyar Rehta Hai Aur Is Chakkar Me Khud Bhi Nuqsaan Uthata Hai Aur Un Ke Chakkar Me Bhole Bhale Musalmano Ki Bhi Zindagi Barbaad Ho Jati Hai

Hum Kehte Hain Ke Dono Baatein Durust Nahin

Jihad Ke Baab Ko Bilkul Alag Kar Dena Bhi Sahih Nahi Hai Aur Ise Bilkul Khana Peena Bana Lena Bhi Sahih Nahi Hai Balki In Dono Ke Darmiyan Ek Beech Ka Rasta Hai Jis Me Etidal Hai Aur Woh Ye Hai Ki Hum Jazbaat Ko Kahin Alag Rakh Kar Faisla Karein Ke Humein Kya Karna Hai

Jo Kehte Hain Ke Hindustan Me Hum Jung Ke Liye Pehel Nahin Kar Sakte, Woh Bhi Ye Mante Hai Ke Jab Hum Par Hamla Hoga To Apne Difa Ke Liye Ladna Farz Hoga Aur Jo Baat Baat Par Jihad Ko Beech Me Laate Hain Woh To Kehte Hi Hain Ke Humein Ladna Hoga Aur In Dono Surato Mein Ek Baat Mushtarak (Common) Hai Ke Jung Ka Hona Yaqeeni Hai, Ab Chahe Pehle Hamla Kiya Jaye Ya Difa Ke Liye Lada Jaye

Ab Jab Sab Is Baat Par Mutaffiq Hain Ke "Hume Ladna Hai" To Ab Jung Ki Tayyari Zaroori Hai Aur Yahi Woh Nukta Hai Jise Dono Giroh Nazar Andaz Kar Rahe Hain

Ye Jo Do Giroh Ki Baat Hum Ne Ki To Dono Hi Musalmano Ka Bhala Chahte Hain, Ek Ye Chahta Hai Ke Musalaman Khud Ko Aisi Jung Ki Aag Me Na Jhonke Jin Ki Unhe Sakat Nahi Aur Ek Ye Chahta Hai Ke Hum Zalimo Aur Kafiro Ka Naam Hi Mita Dein Taaki Mazloomo Aur Musalmano Ko Chain Ki Saans Muyyasar Ho Sake

In Dono Me Se Agar Pehle Waale Ki Baat Par Is Tarah Amal Kiya Jaye Ke Humare Saath Jo Bhi Ho Hum Khamoshi Ikhtiyaar Kare Aur Aman Aman Ke Ilawa Kuchh Na Karein To Bhi Ghalat Hoga Aur Agar Dusre Giroh Ka Kehna Maan Kar Jihad Ke Liye Fauri Taur Par Utar Aayein To Bahut Bure Nataij Samne Aayenge Ke Karodo Musalmano Ki Jaano Maal Ko Shadid Nuqsaan Pahuchaya Jayega

Ab Sawal Aata Hai Ke Hum Kya Karein? To Jawab Yahi Hai Ke Jung Ki Tayyari Karein

Aaj Hum Jung Me Pehel Nahi Kar Sakte Kyunki Humare Paas Taaqat Nahi Hai To Jab Hum Par Hamla Hoga Tab Taaqat Kahan Se Layenge, Us Waqt Bhi To Humein Jung Hi Karni Hogi, Aaj Bhi Hamle Ho Rahe Hain Jis Ka Jawab Dena Humare Bas Me Nahi Hai, Humare Bhaiyo Ka Khoon Beh Raha Hai Hum Kuchh Nahi Kar Sakte, Aurato Ki Izzat Ke Saath Khela Ja Raha Hai Lekin Hum Lachaar Bane Baithe Hain, Musalmano Ki Jaane Ja Rahi Hai Lekin Hum Apne Shahidon Ka Inteqaam Nahi Le Sakte

Ab Zaroorat Hai Ki Bina Kisi Ke Bataye Mamlaat Ko Samajh Jaaiye Aur Mustaqbil (Future) Mein Pesh Aane Wale Haalaat Ko Bhanp Lein Aur Ghaflat Ki Neend Na Soye Aur Na Jazbaat Me Aa Kar Koi Qadam Uthaye, Bas Wo Karein Jo Accha Ho, Jis Se Fayeda Ho

Yaqeen Janiye Ke Agar Har Musalman Apna Behtar Dikhaye Aur Duniya Ki Rangeeniyo Se Nikal Kar Kufr Ki Tarikiyo Mein Shama Raushan Kare To Aane Wali Naslein Zaroor Ek Naya Suraj Dekhegi

Abde Mustafa