Ertugrul Aur Deegar Turki Drame

 Ertugrul Aur Deegar Turki Drame

Turki Dramo Ko Awaam Mein Kaafi Pasand Kiya Ja Raha Hai

Ertugrul, Osman, Sultan Abdul Hameed, Kutul Amare Aur Yunus Emre In Mein Kaafi Mash'hoor Hain

In Dramo Mein Aksar Ka Talluq Khilafat -e- Usmaniya Ki Tarikh Se Hai Aur Baaz Ka Tasawwuf Se Hai

In Dramo Ko Turki Se Urdu Zubaan Mein Dub Bhi Kiya Gaya Hai Aur Subtitle Ke Zariye Dusri Kuchh Zubaano Mein Bhi Maujood Hai

In Dramo Ko Dekhne Waalo Mein Sirf Awaam Hi Shamil Nahin Balki Ye Dayira Badh Kar Ulama Ki Jama'at Tak Pahunch Chuka Hai

Dekha Gaya Hai Ki Baaz Ulama Na Sirf In Dramon Ko Dekhte Hain Balki Logon Ko Dekhbe Ki Targheeb Bhi Dete Hain!

Agar Jaiz Aur Najaiz Ki Baat Ki Jaaye To In Dramon Ko Kisi Tarah Jaiz Nahin Kaha Ja Sakta Kyun Ki Jis Tarah Filmon Mein Music, Auratein Aur Ishqe Majazi Ki Kahaniyan Hoti Hain Woh In Mein Bhi Maujood Hain Lekin Ye Batein Bhi Qaabile Zikr Hain Ki In Dramo Mein :

(1) Islami Riwaayat Ko Filmaya Gaya Hai

(2) Islami Riyasat Ki Ahmiyat Ko Ujagar Kiya Gaya Hai

(3) Jihad Ki Zarurat Aur Ahmiyat Dikhayi Gayi Hai

(4) Mazloomo Ke Liye Uth Khada Hone Aur Zalimon Ke Samne Na Jhukne Ka Dars Diya Gaya Hai

(5) Shauqe Shahadat Ke Waqiyat Dikhaye Gaye Hain Aur Mujahideen Ki Bahaduri Dikhayo Gayi Hai

Ye Bhi Sach Hai Ki In Dramon Ko Dekhne Waalo Mein Kaafi Tabdeeliya Aayi Hain

Jo Aman Ki Baat Karte The Wo Bhi Ab Khoon Bahane Ki Baat Karte Hain

Jin Ki Zuban Se Buzdili Bhare Kalimaat Nikalte The Wo Bhi Ab Marne Maarne Ji Baat Karte Hain

Ye Fayide Apni Jagah Hain Lekin Fir Bhi Inhein Dekhna Jaiz Nahin Kaha Jaa Sakta Hai

Haan Ye Zarur Kaha Jaa Sakta Hai Ki Jo Log Filmon, Fahash Dramon, News Channalo Aur Gande Videos Se Bilkul Nahin Bachte To Unhein Chahiye Ki In Dramon Ko Dekhein Taaki Kuch Faayida Ho

Ye To Bilkul Waazeh Hai Ke Ye Sab Dekhna Najaiz Hai Lekin Ye Janne Ke Baad Bhi Jo Log In Se Nahin Rukte To Behtar Hai Ki In Dramon Ko Dekhein

Abde Mustafa