Mujhe dadhi waala ladka nahin chahiye

Mujhe dadhi waala ladka nahin chahiye

Ladkiya ab khule aam keh rahi hain ke unhein dadhi waala ladka nahin chahiye, ladkiyo ka ye zehan ghalat tariqe se di gai taleem aur tarbiyat ka natije mein bana hai, Ladkiyo ko bahut zyada aazadi di ja rahi hai, Ghar ka kaam sikhane ke bajaye school college ke chakkar lagwaye ja rahe hain, Kehte hain ke shauhar nikamma nikla ya use kuchh ho gaya to humari ladki khud kama kha sakegi, Ye kitni ajeeb soch bana rakhi hai logon ne aur iski wajah se asal baato ko hi faramosh kar baithe hain, Ladki ko laad pyaar se paalte hain aur jiddo jahad ka zehan nahin dete phir jab shadi ke baad thode se masail pesh aate hain to ladki unhein hal nahin kar paati aur mazeed masail khade kar deti hai

Ladkiya ghar ke kaamo ko bojh samajhne lagi hain aur itni sahuliyaat maujood hone ke bawujood bhi aaye din ghar ke kaamo ko le kar masail hote hain, Ek mard khangi fikr mein aur apne peshe ke darmiyan ghut raha hota hai lekin uski zara bhi parwah nahin ki jaati, Ladkiyo ko izzat bhari zindagi ab qaid lagne lagi hai, Inhein aazadi dene ka natija aaj poori qaum bhugat rahi hai

Ladkiyo ne media par ja kar islam ke khilaf bayanaat diye, Court kachehri ki dehleez par bhi qadam rakha aur apno ke khilaf karwai ki apeelein ki, Ghair muslimo ke saath ishq ladane ke waqiyaat aaye din sunne ko milte hain aur aisi kai baatein hain jisne qaum ko bade bade masail mein daal diya hai, Ye sab hua hai aazadi dene ki wajah se, Ab kisse shikwa karein kisse shikayat karein, Khud ko deendar kehne aur bade bade daawe karne waale apni betiyo ko college bhej rahe hain aur deendar kehlane waali ladkiya bhi apni hadein bhool chuki hain, inhein bhi ab barabari ke huqooq chahiyein aur mard se muqable ka bhoot inke bhi saro par sawaar hai kyunki inko rasmi taur par deendari ki sanad di ja rahi hai baaqi haqeeqat kuchh aur hai

Ek shakhs ne social media par likha ke aane waale dino mein is baat par amal mushkil ho jayega ke "mard hakim hota hai aur aurat uski taabe" lekin abhi jo halaat hain wo bhi keh rahe hain ke ye baat ab kitabo tak hi reh gai hai

Allah Ta'ala is qaum ki aurato par reham farmaye aur inhein hidayat de

Abde Mustafa