Aap hi faisla karein

 

Aap hi faisla karein

Milade Mustafa ﷺ ke talluq se is haqeeqat ka inkar nahin kiya ja sakta ke ummate muslima ek lambe arse se Huzoor alaihissalam ka Milad mana rahi hai aur is par aaj bhi lakho karodo musalmano ka amal hai, Saikdo saal pehle ke Fuqaha aur Muhaddiseen ne is par kitabein tak likhi aur Ahle Sunnat Wa Jama'at mein is par kisi ko ikhtelaf nahin tha lekin phir ek giroh aaya aur ise Bidd'at, Haraam aur Gumrahi kehne laga! Is par amal karne waale dunya bhar ke musalmano ko Bidd'ati aur Gumrah kaha gaya! Ab hum aap par hi faisla chhodte hain ke batayein ummat mein fitna kisne paida kiya? 

Ahle Insaf is baat ka aitraf zaroor karenge ke Milade Mustafa ﷺ ko bidd'at aur gumrahi batane waale is ummat mein fitna fasad phailane waale hain aur khud gumrah ho chuke hain

Ye gine chune log jinhein aaye abhi hafta hafta aath din nahin hue, poori ummate muslima ko na sirf gumrah bata rahe hain balki unki apne Nabi ﷺ ke saath muhabbat ko gaali de rahe hain aur dunya bhar mein basne waale musalmano ko takleef pahuncha rahe hain, Unka dil dukha rahe hain aur apni hatdharmi ko haq ka naam de rahe hain 

Allah Ta'ala se hum aafiyat talab karte hain aur aise fitno se uski panaah chahte hain 

Abde Mustafa