Khateeb Saahib Se Taqreer Ke Baad Sawal Kiya Gaya Ke Hazrat Aap Ne Jo Riwayat Bayaan Ki Wo Kis Kitab Mein Hai? Bada Tehqeeqi Jawab Aaye Ke Maine Hazrate Fulaan Saahib Se Suni Thi.......,
Jab Arz Kiya Gaya Ke Riwayat Mauzu Wa Manghadat Hai To Janab Ne Aisi Baatein Keh Daali Ke Aap Ko Kisi Kitab Mein Nahin Milengi! Farmane Lage Ke Kya Aap Ne Tamam Kitabein Padh Li Hain Jo Ise Mauzu Keh Rahe Hain Ya Aap Hazrate Fulaan Saahib Se Zyada Ilm Rakhte Hain?
Ye Baatein Kuchh Muqarrireen Aur Aam Logon Se Bhi Sunne Ko Milti Rehti Hain Ke Kya Aap Fulaan Se Zyada Jaante Hain Ya Aap Ne Tamam Kitabein Padh Li Hain.......?
Hum Is Par Zyada Lambi Chaudi Bahas Na Karte Huye Sirf Ek Sawal Karna Chahte Hain Ke Agar Kisi Riwayat Ko Mauzu Kehne Kehne Ke Liye Dalail Nahin Balki Kisi Hazrat Se Zyada Ilm Rakhna Ya Tamam Kitabein Padhna Zaroori Hai To Phir Kaun Sa Aisa Shakhs Hai Jis Ne Tamam Kitabein Padh Li Hain Ya Wo Kisi Se Zyada Ilm Ka Daawa Kar Sakta Hai? Agar Koi Aisa Shakhs Nahin Hai To Phir Kisi Bhi Riwayat Ko Mauzu Nahin Kaha Ja Sakta Kyunki Ho Sakta Hai Wo Kisi Kitab Mein Maujood Ho, Is Se To Jhooti Riwayaat Ko Qabool Karne Ka Darwaza Khul Jayega!
Aisi Baatein Karne Waalo Ko Chahiye Ke Ye Bhi Bata Dein Ke Jab Hum Dalail Ke Saath Nahin Keh Sakte To Phir Kaun Kahega?
Abde Mustafa
Post a Comment
Leave Your Precious Comment Here