Smartphone Ka Istemal Karne Waale Beshtar Log Jaante Hain Ke YouTube Kya Hai Lihaza Is Baare Mein Zyada Likhne Ki Zaroorat Nahin Hai
Shortcut Mein Itna Jaan Lijiye Ke Ye Ek Website Hai Jo Videos Ke Liye Banayi Gayi Hai
Is Mein Koi Bhi Kahin Se Bhi Videos Record Kar Ke Upload Kar Sakta Hai Aur Phir Sharing Ke Zariye Kayi Logon Tak Pahuncha Sakta Hai
YouTube Ne Kayi Logon Ko Kaafi Fayeda Diya Hai, Jin Logon Ko Mushkil Se Un Ke Muhalle Waale Bhi Nahin Jaan Paate Aaj YouTube Ki Wajah Se Wo Laakho Logon Mein Mash'hoor Hain, Ye Alag Si Baat Hai Ke Unhone Kis Tarah Ki Videos Se Shohrat Haasil Ki
Dehaat Mein Ek Taqreer Karne Waale Ko Zyada Se Zyada Kitne Log Jaan Paate Lekin Ye YouTube Hi Hai Ke Unhein "International" Level Par Mash'hoor Kar Diya
Is Se Aap Hazaaro Kilometers Door Rehne Waale Kisi Aalim Ki Taqreer Ko Free Mein Sun Sakte Hain!
Ye To Huyi Fayede Ki Baat Lekin Is Ke Side Effects Ko Dekh Kar Aisa Lagta Hai Ke Ye YouTube Nahin Balki "Gumrahi Tube" Hai
Ek Shakhs Ne YouTube Khola Aur Taqreer Sunni Shuru Kar Di, Use Pata Hi Nahin Ke Taqreer Karne Waala Kis Group Se Talluq Rakhta Hai Aur Us Ke Nazariyaat Kaise Hain! Phir Dheere Dheere Us Ki Baatein Achhi Lagne Lagi, Ab Wo Jo Bhi Kehta Hai Is Ke Liye Harf -e- Aakhir Hota Hai Aur Wo Shakhs Is Tarah Gumrahi Ke Kuwein Mein Ja Girta Hai!
Mere Ek Dost Jo Logon Ko Neki Ki Dawat Bhi Diya Karte Hain Aur Bade Achhe Akhlaq Ke Malik Hain, Ek Din Isi YouTube Ke Upar Guftagu Chal Rahi Thi To Unhone Ek Muqarrir Ka Naam Lete Huye Kaha Ke Fulaan Saahib Bhi Bahut Achha Bayaan Karte Hain....,
Main To Fulaan Saahib Ka Naam Sun Kar Bilkul Hairaan Ho Gaya Kyunki Un Ka Talluq Ek Gumrah Firqe Se Hai! Pakistan Ke Rehne Waale Hain Aur Apni Emotional Acting Ke Liye Jaane Jaate Hain
Jab Maine Apne Dost Ko Ye Bataya To Thodi Der Ke Liye Un Ki Aankhein Badi Ho Gayi Phir Unhone Ayinda Se Fulaan Saahib Ke Bayanaat Na Sunne Ka Ahad Kiya
Na Jaane Kitne Log Is YouTube Ki Wajah Se Gumraah Huye Hain
Naujawano Ka Ek Bahut Bada Tabqa Is Daldal Mein Phans Chuka Hai Jin Ke Nikalne Ki Koi Raah Nazar Nahin Aati!
Agar Aap YouTube Ka Istemal Karte Hain To Bahut Hi Ehtiyat Ke Saath Karein, Ulama -e- Ahle Sunnat Ke Ilawa Kisi Ka Bayaan Na Sunein,
Kahin Aisa Na Ho Ke Ye YouTube Aap Ke Liye Gumrahi Tube Ban Jaaye
Abde Mustafa
Post a Comment
Leave Your Precious Comment Here