Ek Aurat Ko Ye Khatka Mahsoos Hua Ke Us Ka Wali (Walid, Bhai, Chacha Waghaira) Aisi Jagah Us Ka Nikah Kar Dega Jahan Use Pasand Nahin
To Us Khatoon Ne Do Ansari Buzurgo Ki Taraf Paigham Bheja (Ke Meri Madad Karo, Main Wahan Shadi Nahin Karna Chahti)
Unhone Kaha :
Tum Daro Nahin, Hazrate Khansa Binte Khizam Radiallaho Ta'ala Anha Ke Walid Ne Un Ka Nikah, Un Ki Marzi Ke Khilaf Kiya Tha Jise Rasool -e- Paak ﷺ Ne Mustarad Kar Diya
(To Phir Unhone Apni Pasand Ke Shakhs Hazrate Abu Lubaba Radiallaho Ta'ala Anho Se Nikah Kar Liya)
(انظر: صحیح البخاری، رقم 6969)
Allah Kare Aise Buzurg Aaj Ki Betiyo, Bahno Ko Bhi Muyassar Aa Jaayein!!
Aaj Kal To Koi Ladki Bhool Kar Bhi Apne Chacha, Taaya, Maamu, Khaalu Waghaira Se Keh De Ke Main Wahan Shadi Nahin Karna Chahti Jahan Mere Ghar Waale Kar Rahe Hain To Us Bechari Ki Shamat Aa Jaati Hai
Aur To Aur, Agar Koi Ladki Kisi Mazhabi Rahnuma :
Aalim, Mufti, Peer, Imam Waghaira Ke Saamne Apna Areeza Pesh Kar De To Wo Bhi Us Ki Madad Karne Ke Bajaye, Use Qaayil Karne Mein Dalail Ke Ambaar Laga Dete Hain
Allah Kare Hum Uswa -e- Rasool Wa Amal -e- Sahaba Se Ye Sabaq Bhi Seekh Jaayein Ke Marzi Se Shadi Karna Ladki Ka Haque Hai
Use Us Ka Haque Dilwana Chahiye Na Ke Haque Chheenne Mein Madad Karni Chahiye
Allama Qaari Luqman Shahid Hafizahullahu Ta'ala
Aoa
ReplyDeleteMa ek shia family sa hn. Meri family mera nikha zberdasti kr rhi ha next month qk mera bhai or bhan ki shadi whoi honi ha. Mj pa hath uthya jta ha ghar ma taka ma shadi kro. Jis czn sa meri shadi krna chaty usko bhi pta ma usko pasand ni krti wo bhi mja pasand ni krta sirf apni family ki waga sa chup ha. Wo kuch ni krta na job na business.4 years chota ha mjsa. Kya asa nikha jayz ho ga jis ma zberdasti han kerwai gy.
Post a Comment
Leave Your Precious Comment Here