Bholi Bhaali Biwi

 Bholi Bhaali Biwi

Hazrate Abdullah Bin Rawaha RadiAllahu Ta'alah Anhu Apni Biwi Ke Pehlu Me Lete Hue The Phir Wahan Se Uthe Aur Hujre Ki Taraf Tashrif Le Gaye Jahan Un Ki Baandi Thi Aur Us Se Mashgool Ho Gaye

Jab Un Ki Biwi Ne Bedaar Ho Kar Un Ko Na Paya To Talash Ke Liye Nikli Aur Dekha Ke Wo Apni Baandi Ke Pet Par The To Wahin Se Wapas Ho Gayi Aur Chhuri Le Kar Bandi Ke Paas Gayi (Aaj Ya To Bandi Ya Phir Main) 

Hazrate Abdullah Ne Kaha Ki Kya Baat Hai? Biwi Ne Kaha Ki Kya Baat! Samajh Lo!  Main Agar Is Waqt Tum Ko Aisi Halat Me Dekhti Jis Me Tum The To Is Chhuri Se Is (Baandi) Ki Khabar Leti

Hazrate Abdullah Ne Kaha Ki Main Kaha'n Tha? Biwi Ne Kaha Ki Is Baandi Ke Pet Par Hazrate Abdullah Ne Kaha Ki Main Kaha'n Tha? (Aur Ye Is Andaz Me Kaha Ki Biwi Ko Lage Ke Aap Inkar Kar Rahe Hain) 

Biwi Ne (Chek Karne Ke Liye) Kaha : 

Accha, Humein Rasoolullah ﷺ Ne Halat -E- Janabat me Qur'an Padhne Se Mana Kiya Hai (Lihaza) Agar Tum Sacche Ho To Qur'an Padh Kar Sunao, Hazrate Abdullah Ne (Qur'an Ke Lahje Me) Arabi Ash'aar Padh Daale

Jab Biwi Ne Suna To Qur'an Samajh Kar Kaha Ki Main Allah Par Iman Layi Aur Meri Aankhe'n Jhuti Hai

Hazrate Abdullah Kahete Hai Ki Jab Maine Subah Ye Majra Huzur ﷺ Ki Khidmat Me Arz Kiya To Aap Itna Muskuraye Ki Aap Ke Dandaan -E- Mubarak Zahir Ho Gaye

(کتاب الاذکیاء لابن جوزی) 

Biwi Ki Adat Hoti Hai Ke Woh Shauharo'n Ke Pichhe Padi Raheti Hai Aur Muhabbat Ki Nigah Se Kam Shak Ki Nigah Se Zyada Dekhti Hai Shak Karne Ke Liye Inhein Bus Ek Chingaari Ki Zaroorat Hai Phir Aag Lagne Me Bilkul Der Nahi Lagti 

Biwiya'n Waise To Apne Shak Me Aakar Shauharo'n Ki Khub Jaanch Partaal Karti Hai Lekin Shauhar Bhi Kam Nahi Hote Woh Bhi Humesha Do Qadam Aage Rahete Hai

Abde Mustafa