اعلی حضرت کی نصیحت

 اعلی حضرت کی نصیحت

امام اہل سنت، سرکار اعلی حضرت رحمۃ اللہ تعالی علیہ نصیحت کرتے ہوئے ارشاد فرماتے ہیں:

"دیکھو نرمی کے جو فوائد ہیں وہ سختی میں ہرگز حاصل نہیں ہوسکتے۔ جن لوگوں کے عقائد مذبذب ہوں ان سے بھی نرمی برتی جائے کہ وہ ٹھیک ہوجائیں۔ یہ جو وہابیہ میں بڑے بڑے ہیں ابتدا بہت نرمی کی گئی مگر چوں کہ ان کے دلوں میں وہابیت راسخ ہوگئی تھی اور مصداق ثم لایعدون حق نہ مانا اس وقت سختی برتی گئی۔

(ملفوظاتِ اعلی حضرت، ص34) 

اس سے وہ لوگ نصیحت لیں جو ہر ایک کے ساتھ ایک سا سلوک کرتے ہیں اور سب کے ساتھ شدت اختیار کرتے ہیں اور اس کا نتیجہ یہ ہوتا ہے کہ کئی سادہ لوگ جو ابھی گستاخ و گمراہ نہیں ہوئے ہوتے وہ بھی ان کی شدت دیکھ کر اہل سنت سے متنفر ہوتے ہیں اور وہابیوں کے ہتھے چڑھ جاتے ہیں اور اپنا دین و ایمان برباد کربیٹھتے ہیں۔

جو لوگ اہل سنت کی تبلیغ کرنا چاہتے ہیں وہ پہلے اصول تبلیغ سیکھ لیں کہ کس کے ساتھ کیسے پیش آنا ہے کہیں ایسا نہ ہوکہ آپ بیمار کا علاج کرنے جائیں اور بیمار کو مارکر ہی آئیں۔

عبدِ مصطفی