Kahan Gaye Woh Log

 Kahan Gaye Woh Log

Kahan Gaye Woh Log Jin Ke Alfaaz Sun Kar Aansuon Ki Nadiyan Jaari Ho Jaati Thi.

Kahan Gaye Woh Log Jin Ke Waaz Se Log Behosh Ho Jate The.

Kahan Gaye Woh Log Jin Ke Kalaam Se Riqqat Taari Ho Jati Thi.

Kahan Gaye Woh Log Jin Ki Nasihat Sun Kar Baadshah Bhi Rone Lagte The.

Kahan Gaye Woh Log Jo Khaufe Khuda Ki Yaad Dilane Wali Aayaat Sunte Hi Dum Tod Dete The.

Kahan Gaye Woh Log Jin Ki Nazre Kisi Ki Taqdeer Badal Deti Thi.

Kahan Gaye Woh Log Jo Gosha Nasheeni Ko Is Qadr Pasand Karte The Ki Raaz Zahir Hone Par Kisi Dusri Jagah Chale Jaate The.

Kahan Gaye Woh Log Jo Ajnabi Bankar Logon Ke Dilon Ko Fatah Karte The.

Kahan Gaye Woh Log Jin Ke Ek Jumle Se Kisi Ki Islaah Ho Jati Thi,

Kahan Gaye Woh Log Jin Ke Dars Me Shamil Hone Wala Waqt Ka Wali Ban Jata Tha.

Kahan Gaye Woh Log Jin Ki Ziyaarat Se Dil Ko Sukoon Hasil Hota Tha.

Kahan Gaye Woh Log Jo Bagair Qalam Aur Kaaghaz Taaleem Dete The Aur Dilon Par Ibaraat Naqsh Karte The.

Kahan Gaye Woh Log Jin Ki Nigaahe Dil Se Dekhti Thi.

Kahan Gaye Woh Log Jin Ki Naseehat Dil Ko Narm Kar Deti Thi.

Kahan Gaye Woh Log Jin Ke Chehre Haq Wa Batil Mein Farq Ko Zahir Kar Dete The.

Kahan Gaye Woh Log Jin Se Faiz Paane Wala Ishqe Ilahi Ka Raaz Paa Leta Tha.

Kahan Gaye Woh Log Jo Insan Ke Jism Ke Saath Us Ki Rooh Ko Zinda Karte The.

Kahan Gaye Woh Log Jinki Sohbat Paakar Insan Apne Nafs Ko Qaaboo Kar Leta Tha.

Kahan Gaye Woh Log Jin Ki Khidmat Mein Hazir Hone Wala Apne Jism Se Mehnge Libaas Ko Utaar Deta Tha.

Kahan Gaye Woh Log Jin Ki Tarbiyat Se Baatin Sawar Jata Tha.

Kahan Gaye Woh Log Jin Ke Zikr Mein Shamil Hona Pyaase Ko Paani Se Azeez Hota Tha.

Kahan Gaye Woh Log Jin Ki Har Ada Allah Ke Qareeb Karti Thi.

Kahan Gaye Woh Log Jin Ke Alfaaz Humare Tamam Uloom Ki Tafseer Bayan Karte The.

Kahan Gaye Woh Log Jin Ke Liye Insan Ki Muhabbat Khaliq Ki Muhabbat Tak Pahuchne Ka Zariya Thi.

Kahan Gaye Woh Log Jo Khud Ko "Kuchh Bhi Nahi" Samajhte The.

Kahan Gaye Woh Log Jinhone Sab Kuch Qurbaan Karke Allaah Ki Raah Ko Ikhtiyaar Kiya.

Kahan Gaye Woh Log Jinhone Apni Puri Zindagi Ishqe Ilaahi Ki Talaash Mein Kharch Kar Di.

Kahan Gaye Woh Log Jinki Khaanqaahon Ke Bawarchi Maqaame Maarifat Ko Pahunche Huye Hote The.

Kahan Gaye Woh Log Jin Ke Madaaris Se Ek Insan Ek Madrasa Ban Kar Nikalta Tha,

Kahan Gaye Woh Log Jin Ki Baatein Kabhi Kabhi Kisi Ko Samajh Nahi Aati Thi Par Woh Baatein Pur Asraar Hoti Thi,

Kahan Gaye Woh Log Jo Tauheed Ka Jaam Pilaate The.

Kahan Gaye Woh Log Jin Ki Khaayi Qasam Ko Allaah Pura Farma Deta Tha.

Kahan Gaye Woh Log.....

Kahan Gaye Woh Log.....

Abde Mustafa