Nizam E Taleem Ke Mutaliq Aala Hazrat Ke Nazariyat

 Nizam E Taleem Ke Mutaliq Aala Hazrat Ke Nazariyat

(1) Azeemushshaan Madaris Khole Jayein, Ba Qaida Taaleemein Ho.

(2) Talba Ko Wazaif Milein Ke Khwahi Nakhwahi Garweedah (Yani Maail) Ho.

(3) Mudarrison Ki Besh Qarar (Yani Maqool) Tankhwahein Un Ki Karwaiyon Par Di Jayein Ke Lalach Se Jaan Tod Kar Koshish Karein

(4) Taabe Talba (Yani Talba Ki Salahiyaton) Ki Jaanch Ho Jo Jis Kaam Ke Zyada Munasib Dekha Jaye Maqool Wazifa De Kar Uss Mein Lagaya Jaye. Yun Un Mein Kuch Mudarriseen Banaye Jayein, Kuch Waizeen, Kuch Musannifeen, Kuch Munazireen, Phir Tasneef O Munazra Mein Bhi Tauzee (Taqseem Kaari) Ho, Koi Kisi Fan Par Koi Kisi Par

(5) Un Mein Jo Taiyyar Hote Jayein Tankhwahein De Kar Mulk Mein Phelaaye Jayein Ke Tehreeran Wa Taqreeran Wa Wa'zan Wa Munazratan Ishaate Deen O Mazhab Karein

(6) Himayate ( Mazhab ) O Radd Bad Mazhaban Mein Mufeed Kutub O Rasail Musannifon Ko Nazrane De Kar Tasneef Karaye Jayein

(7) Tasneef Shuda Aur No Tasneef Rasail Umdah Aur Khush Khat Chhap Kar Mulk Mein Muft Shaye Kiye Jayein

(8) Shehron Shehron Aap Ke Safeer Nigraan Rahein, Jahan Jis Qism Ke Waiz Ya Munazir Ya Tasneef Ki Haajat Ho Aap Ko Ittila Dein. Aap Sir Kobi Aada ( Yani Dushmanon Ke Radd ) Ke Liye Apni Faujein, Magazine Risalay Bhejte Rahein

(9) Jo Hum Mein Qabil Kaar, Maujood Aur Apni Muaash Mein Mashgool Hain Wazaif Muqarrar Karkay Farigh Ul Baal ( Yani Khushaal ) Banaye Jayein, Aur Jis Kaam Mein Unhein Mahaarat Ho Lagaye Jayein .

(10) Aap Ke Mazhabi Akhbar Shaye Ho Aur Waqtan Fa Waqtan Har Qism Ke Himayat Mazhab Mein Mazameen Tamam Mulk Me Ba Qeemat Wa Bila Qeemat Rozana Ya Kam Az Kam Hafta Vaar Pohchate Rahein .

(Fatawa Rizviya, Jild 29, Page 599)

Abde Mustafa Danish Shahan