کوئی ایک ایسا دکھاؤ

کوئی ایک ایسا دکھاؤ

ایسی کئی ہستیاں گزری ہیں جنھیں لاکھوں کروڑوں لوگوں نے اپنا پیشوا، راہ نما، لیڈر اور امام بنایا لیکن کیا اُن میں سے کوئی ایک بھی ایسا دکھایا جا سکتا ہے جس کے کروڑوں چاہنے والوں نے اپنے مقتدا سے اِس قدر محبت کی ہو کہ اُس کے سفید رنگ کے بالوں کو بھی گن کر یاد رکھا ہو؟ نہیں ایسا کوئی نہیں ہے سوائے ہمارے نبی پاک ﷺ کے، کہ جن کے صحابہ نے یہ تک روایت کیا کہ آپ ﷺ کے کتنے بال سفید رنگ کے تھے-

حضرت انس رضی اللہ تعالی عنہ بیان کرتے ہیں کہ آپ ﷺ کے سر مبارک میں سترہ یا اٹھارہ بال سفید تھے-

(مسند امام احمد بن حنبل) 

مسلم شریف میں ہے کہ آپ ﷺ کے تھوڑے سے بال داڑھی میں، تھوڑے سے کنپٹیوں میں اور تھوڑے سے بال سر مبارک میں سفید تھے-

(صحیح مسلم) 

بخاری شریف میں ہے کہ آپ ﷺ کے بالوں میں تھوڑی سی سفیدی ہوتی تھی-

(صحیح بخاری) 

ایک اور روایت میں ہے کہ وفات کے وقت آپ کے بیس بال بھی سفید نہیں تھے-

(ایضاً) 

(ملخصاً: شمائل الرسول لابن کثیر، اردو، ص112) 

بِھینی خوشبو سے مہک جاتی ہیں گلیاں واللہ

کیسے پھولوں میں بسائے ہیں تمھارے گیسو

عبد مصطفی