Jab Hum Kisi Riwayat Ke Baare Mein Batate Hain Ke Ye Sakht Zayeef Hai Ya Mauzu Hai To Waayizeen Wa Khutba Ki Taraf Se Fauran Jawab Aata Hai Ke "Fazail Mein Sab Kuchh Chalta Hai" Aur Iske Baad Hum Kuchh Kahein To Humari Sunniyat Par Hi Hamla Shuru Ho Jaata Hai
Hazrat Allama Maulana Usaidul Haque Qadri Badayuni Likhte Hain Ke Humare Muqarrireen Ne Usool -e- Hadees Ka Ye Qayeda Kahin Se Sun Liya Hai Ke "Fazail Mein Zayeef Hadees Bhi Maqbool Hoti Hai" Aur Is Qayede Ke Be Mahal Istemal Se Mauzu Aur Ghair Moatbar Riwayaat Ke Liye Itna Bada Darwaza Khul Gaya Ke Har Qism Ki Riwayatein Is Qayede Ki Duhayi De Kar Bayaan Ki Jaane Lagi
Is Mein Koi Shak Nahin Ke Ye Qayeda Apni Jagah Durust Hai Lekin Iske Itlaq Ka Bhi Ek Dayera Hai Aur Iske Istemal Ke Kuchh Sharait Hain Jinko Ayimma Wa Ulma Ne Bayaan Kar Diya Hai, Lekin Jab Ye Qayeda Kam Ilm Muqarrireen Ke Hatthe Chada To Iska Natija Zayeef Phir Zayeef -e- Shadeed Phir Munkar Aur Aakhir Mein Mauzu Riwayaat Ki Qabooliyat Ki Surat Mein Nikla
(Mazeed Likhte Hain Ke) Jo Ahadees Waqayi Qabil -e- Radd Thi Humne Use Bhi Qabool Kar Liya
(انظر: نقد و نظر، ص11، ملخصاً)
Baat Baat Par Is Qayede Ki Ratt Lagane Waale Zara Hosh Ke Naakhun Lein Aur Har Riwayat Ko Zabardasti Fazail Mein Dhakelne Ka Kaam Na Karein
Abde Mustafa
Post a Comment
Leave Your Precious Comment Here