Hum Apni Tankhwah Se Ek Biwi Ka Chehra Seedha Nahin Kar Paate To Sawal Uth'ta Hai Ke Do, Teen Ya Chaar Biwiyo Ke Kharche Kahan Se Utha Sakenge?
Jawab Janne Se Pehle Ye Sochna Chahiye Ke Humare Gharo Ke Jo Kharche Hain, Kya Wo Fuzool Ke Kharche To Nahin Hai? Hum Kehne Ko To Khud Ko Ghareeb Keh Dete Hain Lekin Humare Kharche Rayeeso Se Kam Nahin Hain
Wo Kehte Hai Na Ke Paaon Utna Hi Phailana Chahiye Jitni Lambi Chadar Lekin Hum Paaon Sametne Ki Bajaye Chadar Ko Lamba Karne Ki Koshish Karte Rehte Hain
Ek To Ye Hai Ke Humari Tankhwah Teen Chaar Guna Badh Jaaye, Jo Ke Khuli Aankho Mein Dikhayi Dene Waala Ek Khwab Hai Aur Dusra Ye Ke Hum Kharche Kam Kar Dein Aur Ye Humare Bas Mein Hai
Dunya Waalo Ke Saath Bhagne Ke Chakkar Mein Mat Rahein Balki Apna Raasta Aur Apni Raftaar Banayein
Is Ke Liye Aap Ko Kaafi Samajh Boojh Se Kaam Lena Hoga Aur Sab Se Zyada Jis Ki Zaroorat Aap Ko Padegi Wo Hai Ghar Mein "Deeni Mahaul" Aur Humari Samajh Ke Mutabiq Ye Ek Wahid Hal Hai Kharche Kam Karne Ka Warna Tankhwah Mein Dus Guna Izafa Bhi Kaam Na Dega
Jo Ghar Mein Deeni Mahaul Ho To Aap Ki Biwi Ek Do Waqt Ki Bhook Bhi Bardasht Kar Legi Lekin Aap Ko Pareshan Nahin Karegi Aur Agar Wahi Mahaul Ho Jo Abhi Chal Raha Hai To Phir Aap Par Muqaddima (Case) Bhi Darj Ho Sakta Hai
Agar Aap Ne Ye Zahan Bana Rakha Hai Ke Dunya Ke Saath Saath Chalna Hai To Phir Aap Ke Liye Chaar Shadiya Aur Zyada Bachche Bilkul Nahin Hain
Aap Do Bachcho Ko Commissioner, Doctor, Engineer Waghaira Bana Kar Apna Farz Ada Karein Jo Asal Mein Muqabla Hai Aur Ek Se Zyada Shadiyo Ka Khayal Dilo Dimagh Se Delete Kar Dijiye
Abde Mustafa
Post a Comment
Leave Your Precious Comment Here