Darse Bukhari Bidd'at

 Darse Bukhari Bidd'at 

Humare Shehar Mein Ek Jagah Deobandiyo Ka Ijtima Hua Jis Mein Khitab Karte Huye Ek Deobandi Mufti Ne Kaha Ke Eid Milad -un- Nabi Par Jashn Manana Bidd'at Hai Kyunki Deen Mein Koi Bhi Naya Kaam Deen Samajh Kar Karna Bidd'at Hai!

Phir Mazeed Wazahat Karte Huye Usne Kaha Ke Naya Kaam Wahi Bidd'at Hai Jise Deen Samajh Kar Kiya Jaaye Aur Jo Kaam Deen Samajh Kar Na Kiya Jaaye Us Par Na Sawab Hai Na Itaab Aur Aisa Kaam Karne Se Koi Fayeda Nahin Lihaza Aise Kaamo Se Bachna Chahiye

Ab Inse Puchha Jaaye Ke "Darse Bukhari" Bidd'at Hai Ya Nahin? Agar Jawab Mein Ye Kahein Ke Hum Ise Deen Samajh Kar Nahin Karte To Ba Qaul Inke Is Mein Koi Sawab Nahin Yaani "Darse Bukhari Bina Sawab Ke" Aur Jab Koi Sawab Hi Nahin To Phir Is Mein Waqt Laga Kar Kya Fayeda? Aur Agar Jawab Ye Ho Ke Ye Bidd'at Nahin Balki Ek Achha Kaam Hai Jis Mein Logon Ko Huzoor ﷺ Ki Hadeesein Batayi Aur Samjhayi Jaati Hain To Hum Kahenge Ke Milad Mein Bhi To Huzoor ﷺ Ki Seerat Aur Unse Nisbat Rakhne Waalo Ka Zikre Khair Hota Hai, Yahan Dohra Rawaiyya Kyun?

Milad Ke Naam Par Agar Koi Dhol Taashe Baja Kar Nachta Hai To Ye Uska Zaati Mamla Hai, Hum Iske Harghiz Qaayil Nahin

Humare Nazdeek Milad Manana Na Farz Hai Na Wajib Balki Mustahab Hai Jise Na Karne Waala Gunahgar Nahin Hota Lekin Jo Ise Bidd'at Kahe Wo Zaroor Is Sher Ka Misdaq Hai Ke

Nisar Teri Chahal Pahal Par Hazaar Eidein Rabiul Awwal

Siwaye Iblees Ke Jahan Mein Sabhi To Khushiya Mana Rahe Hain

Abde Mustafa