Woh Phir Bhi Lade

 Woh Phir Bhi Lade

Lashkare Islam Khaibar Ki Taraf Badh Raha Hai, Raaste Me Huzoor ﷺ Ne Khana Talab Farmaya To Sirf Sattu Pesh Kiye Gaye Jise Paani Me Ghol Kar Khaya Gaya Aisi, Halat Thi Magar Woh Phir Bhi Lade........, 

Jange Uhud Mein Jab Shahido Ko Dafan Karne Ki Baari Aayi To Kapde Ki Qillat Ka Ye Aalam Tha Ki Umooman Do-Do, Teen-Teen Ko Mila Kar Ek Hi Kapde Me Dafan Kiya Gaya, Aisi Halat Hai Magar Woh Phir Bhi Lade......., 

Hazrate Ameer -e- Hamza Ko Dafan Kiya Gaya To Chadar Itni Chhoti Thi Ki Moonh Dhapne Par Qadam Khul Jate Aur Qadamo Ko Dhanpte To Moonh Khul Jata Tha Huzoor ﷺ Ne Farmaya Ki Moonh Ko Dhaanp Do Aur Qadamo Par Patte Daal Do, Aisi Halat Hai Magar Woh Phir Bhi Lade........, 

Ek Sahabi Langde The Un Se Kaha Gaya Ki Aap Jang Ke Liye Na Jaye, Unhone Kaha Ki Mujhe Ummid Hai Ki Main Isi Tarah Jannat Me Tehla Karunga Aur Jange Uhud Me Shahid Ho Gaye Zara Sochein Ke Woh Langde Hain Magar Woh Phir Bhi Lade........., 

Hazrate Hanzala Ansari Ka Jis Raat Nikah Hua Us Ki Subah Jang Ka Ailaan Ho Gaya Aap Ne Gusl Ke Liye Sir Dhoya Hi Tha Ki Ailaan Sun Kar Bagair Gusl Ke Jang Me Shariq Ho Gaye 

Ghaur Karein Ke Shaadi Ko Ek Din Bhi Nahi Hua Magar Woh Phir Bhi Lade........, 

(انظر: کتب سیرت)

Aaj Humare Paas Kuchh Nahi Kam Se Kam Dafan Karne Ka Intezaam To Hai Lekin Deen Ke Naam Par Ladne Ko Tayyar Nahin 

Har Shakhs Chahata Hai Ki Bus Aman Ki Baat Ho Lekin Jaan Lena Chahaiye Ki Woh Aman Ki Zuban Nahi Samajhte, Unhe To Bus Ek Hi Zuban Samajh Aati Hai Aur Woh Hai Talwar Ki Zuban 

Abde Mustafa