اردو شاعری کا جنازہ

 اردو شاعری کا جنازہ

اردو بڑی پیاری زبان ہے اور جب اس زبان میں شاعری ہو تو پھر کیا بات ہے۔ اشعار تو کئی زبانوں میں ملیں گے پر اردو اشعار کی بات ہی جدا ہے۔ 

افسوس کی بات یہ ہے کہ کچھ لوگوں نے اس پیاری زبان کی پیاری شاعری کا جنازہ نکالنے میں کوئی کسر نہیں چھوڑی! 

اب ذرا یہ شعر دیکھیں :

اے دین کے غدار بلاؤں کیا رضا کو 

کر دیں گے تڑی پار بلاؤں کیا رضا کو 

پھر یہ بھی :

تم لوگ یزیدی ہو بتاتے ہو حسینی 

چل جائے گی تلوار بلاؤں کیا علی کو

یہ اردو شاعری کا جنازہ ہی ہے۔ یہ شاعری کم اور تفریح کا سامان زیادہ معلوم ہوتا ہے۔ ایک یہ شعر دیکھیں :

حشمتی ان کو تیور دکھا دیجیے 

کان پہ رکھ کے گھوڑا دبا دیجیے 

ایسی شاعری کرنے والوں کو شاعر ہندستان تو پاکستان اور استاذ الشعراء اور نہ جانے کیا کیا کَہ دیا جاتا ہے۔

شاعری ایسی ہو جس میں فکر و شعور ہو۔ ایسے الفاظ ہونے چاہیں کہ سننے اور پڑھنے والا شاعر کے گہرے احساسات میں کھو جائے۔ 

آپ اعلی حضرت، برادر اعلی حضرت اور تاج الشریعہ رحمھم اللہ تعالی اور بھی کئی ہستیاں ہیں کہ ان کے لکھے گئے اردو اشعار کو پڑھیں پھر آپ خود غور کریں کہ آج اردو شاعری ہو رہی ہے یا اس کا جنازہ نکالا جا رہا ہے۔

عبد مصطفی