Kitna Ilm Haasil Karna Zaroori Hai

 Kitna Ilm Haasil Karna Zaroori Hai

Sabse Pehle Zaroori Hai Ke Har Musalman Mard Wa Aurat Aqaid Ka Ilm Haasil Kare 

Aqaid Ke Baab Mein Ek Ya Do Baatein Nahin Hain Balki Kayi Baatein Aa Jaati Hain 

Kuchh Baatein Bunyadi Aur Mash'hoor Hain Aur Kuchh Baatein Aisi Hain Ke Ilmi Aur Tafseeli Hain

Ab Har Shakhs Par Ye Zaroori Nahin Ke Wo Gehrayi Mein Ja Kar Bareek Baato Ka Ilm Haasil Kare Balki Bunyadi Aqaid Ko Samajh Lena Zaroori Hai

Ab Jab Aqaid Ka Ilm Aa Jaaye To Bunyad Tayyar Ho Gayi Phir Baari Aati Hai Amal Ki Yaani Jo Bunyad Tayyar Huyi Thi, Ab Us Par Deewarein Khadi Karni Hain

Ab Aamaal Baja Laane Ke Mutalliq Zaroori Masail Ka Ilm Karna Bande Laazim Hai Warna Wo Kisi Amal Ko Ada Kaise Karega? 

Namaz Farz Huyi To Namaz Ke Mutaliq Masail Ka Ilm Haasil Karna Zaroori Hoga, 

Roza Rakhna Hai To Roze Ka, 

Agar Maal Hai Aur Zakaat Farz Ho Gayi To Zakaat Ka, 

Nikah Ki Baari Aayi To Isse Mutalliqa Masail Ka Aur Jin Jin Ibadaat Ko Ada Karna Hua To Uske Mutalliq Ilm Haasil Karna Hoga 

Ek Baat Ye Jaan Leni Chahiye Ke Pehle Jin Baato Ka Ilm Haasil Karna Zaroori Hai, Un Par Tawajjoh Di Jaaye Aur Aise Masail Se Filhaal Parhez Kiya Jaaye Jin Ki Zaroorat To Hai Lekin Fihaal Nahin 

Ab Kisi Par Zakaat Farz Nahin, Namaz Farz Hai Aur Wo Namaz Ke Masail Ka Ilm Nahin Rakhta Aur Zakaat Ke Masail Seekh Raha Hai To Ye Munasib Nahin Ke Pehle Zaroorat Hai Namaz Seekhne Ki Na Ke Zakaat Ke Masail Le Kar Baith Jaye

Abde Mustafa